Безопасность
Скончыўся першы месяц летніх вакацый, але прафілактычныя мерапрыемствы, арганізаваныя работнікамі Гомельскага гарадскога аддзела па НС працягваюць радаваць дзяцей горада Гомеля.
У рамках рэспубліканскай акцыі «Без дыму і агню» ва ўстанове дашкольнай адукацыі ДУА "Яслі-сад №48 г. Гомеля" прайшла сустрэча з работнікамі МНС Пасканным Е. А і Шараментавым А. П.
Асноўны акцэнт ратавальнікаў накіраваны на навучанне правілаў бяспекі жыццядзейнасці дзяцей дашкольнага ўзросту. Падчас мерапрыемства работнікі МНС у даступнай форме паведамілі дзецям пра прычыны ўзнікнення пажараў і чаму важна выконваць правілы пажарнай бяспекі, а таксама патлумачылі небяспеку гульняў з агнём.
У канцы мерапрыемства сыгралі разам у дыдактычную гульню, у ходзе якой дзеці спрытна ўжылі на практыцы атрыманыя веды па пажарнай бяспецы.
У мэтах навучання і замацавання атрыманых ведаў на практыцы, ва ўстанове дашкольнай адукацыі ДУА "Яслі-сад №48 г. Гомеля",
у групах арганізаваныя куткі бяспекі,
распрацоўваюцца метадычныя і дыдактычныя матэрыялы.
Таксама створаны пакой бяспекі, дзе дзеці ў гульнявой форме сутыкаюцца з праблемнымі момантамі, якія могуць адбыцца ў побыце, на дарозе, у паўсядзённым жыцці.
Дзеці з цікавасцю і захапленнем мадэлююць розныя сітуацыі, прымяраюць на сябе ролі пажарных, урачоў, міліцыянераў.
